Беҙҙең проекттар

15.10.2017

Сәлимә Юлдашбаева:

- Ғаилә түгел, оркестр йәки ансамбль, тиҙәр ине беҙҙең ғаилә тураһында. Атайым менән әсәйем, һәм беҙ барыбыҙ ҙа музыка ҡоралдарында уйнайбыҙ, йырлайбыҙ. Өйөбөҙҙән моң ағыла. Беҙҙә һәр саҡ ҡунаҡтар күп була торғайны: туғандар, ата-әсәйемдең таныштары, һабаҡташтары, дуҫтары. Барыһына ла асыҡ йөҙ, хөрмәт күрһәттек. 

 

21.05.2017

Руслан Шәйхетдинов:

- Атайым әле лә беҙҙең янда кеүек. Ваҡытлыса ғына ҡайҙалыр гастролгә сығып киткән дә, бына-бына ҡайтып инер һымаҡ... Атай-әсәйем сәнғәт кешеләре булғас, мин бәләкәйҙән күберәк Белорет районының Абҙаҡ ауылында олатай-өләсәй ҡосағында үҫтем. Ағайҙарым мине ҡулдан-ҡулда ғына йөрөтөп, һөйөп-ҡәҙерләп кенә үҫтерҙе. Атайым менән әсәйем ҡайһы берҙә хатта берәр ай гастролдә йөрөй ине... Ә улар ҡайтһа - миңә оло байрам! Айҙан космонавтар ҡайтып төшкән кеүек була. Ике метрҙан ашыу бәһлеүән, мөһәбат кәүҙәле атайымдың ҡара сәстәре елгә тулҡынлана. Мин уның ҡосағына атылам... Ә ул миңә береһенән-береһе матур бүләктәр алып ҡайтҡан. Атайым көслө ҡулдары менән мине юғарыға сөйөп ебәрә... Их, шул мәлдәр...

 

19.03.2017

    Земфира Ғәлимова:

   Минең атайым, данлыҡлы йырсы, башҡорт опера сәнғәтенә нигеҙ һалыусыларҙың береһе Хәбир Ғәлимов. 

Ул 1905 йылдың 5 февралендә Салауат районының Лағыр ауылында тыуған. Легендаларға ышанғанда, был ауыл милли батырыбыҙ Салауат Юлаевтың ғәскәре торған урында барлыҡҡа килгән. Олатайым мулла була. Ул да, өләсәйем дә йырларға ярата. “Йәйге кистә ауылымда гармун, скрипка, ҡумыҙ тауыштары, халыҡ йырҙары яңғырап торҙо”, - тип хәтерләр ине атайым. 15-17 йәштәрендә ул үҙе лә йырсы булараҡ танылыу ала. Йәш егетте төрлө йыйындарға һәм байрамдарға саҡыра башлайҙар.

   1927 йылда атайым армияға китә. Өфө гарнизонында хеҙмәт итә. Һалдаттар төрлө конкурстарҙа ҡатнаша. Ижади ярыштарҙың береһендә композиторҙар Хәбибулла Ибраһимов һәм Ғәзи...

18.12.2016

Айһылыу Заһретдинова:

- Атайым 5-6 йәштәрендә арбаның металл тросынан ҡумыҙ яһап ала. Атаһынан гармун алыуын үтенә. Олатайым Абдрахман иһә, улым, ул бит ете бот он хаҡы тора, нисек ҡыш сығырбыҙ һуң, ти. Заһретдиновтар ғаиләһендә ете бала үҫә. Малай ватыҡ гармун табып ала һәм кистәрен уйын ҡоралында уйнарға маташа. Инструмент өн сығара алмай. Әммә атайым көйҙө ишетә. Ул уның күңелендә яңғырай.

Ауыл малайы нисек музыкаға ынтылған һуң? Яуабы ябай. Ул бәләкәйҙән көтөү көткән. Яланда теләйһеңме, юҡмы, тәбиғәтте тыңлай һәм ишетә башлайһың.

    Атайым Екатеринбург ҡалаһында һөнәрселек училищеһында уҡый. Салғы яныусы һөнәрен үҙләштерә. Дөйөм ятаҡта йәшәгәндә хромкала уйнарға өйрәнә. Уны йәнә байрамдарға һәм осрашыуҙарға саҡыра башлайҙар. Армия...

13.11.2016

   Айгөл Әбдрәшитова:

- Бөгөн атайымды төшөмдә күрҙем. Ул миңә ҡағыҙ киҫәге һуҙҙы. Унда телефон һандары яҙылғайны. Атайым күҙҙәремә ҡарап, йылмайҙы ла, әллә ҡайҙа инеп юғалды. Өнөмдә мин был һандарҙы иҫләнем. Һәм бар ҡыйыулығымды йыйып, телефондан шылтыраттым. Миңә яуап биргән ағай бик ихлас кеше булып сыҡты. Етди проблеманы хәл итергә ярҙамлашты. Бына шулай, атайымды төштә күрһәм һәр саҡ юлым уңа, эштәрем ырамлы бара.

Киң күңелле, тырыш, һәләтле, егәрле кеше ине ул. Ирешер бейеклектәре лә, күтәрелер дәрәжәләре лә, яуланыр исемдәре лә булғандыр... Әммә өлгөрмәне. Ғүмеркәйе үтә лә иртә өҙөлдө. Вафатына 16 йыл үткән, ләкин йөрәк яраларым һаман да уңалмай. Атайым һәр ваҡыт хәтерҙә.

    Ул Салауат районының Ҡалмаҡтар ауылынан. Әбдрәшитовтар ғаилә...

16.10.2016

Әлфиә Дәүләтбирҙина:

   Танылған йырсыбыҙ Нәзифә Ҡадырова башҡарыуында “Һағындым шулай” йыры яңғырай. Уны атайым да бик яратып тыңлай ине. Мин дә ошо йырҙы ҡуям да, атайымды иҫкә алам. Уның менән бергә булған иң бәхетле мәлдәрҙе хәтерләйем. Атайыма әйтелмәй ҡалған һүҙҙәрем күп... Ул беҙҙән йыраҡта. Хәҙер инде йырҙарын ғына тыңлап күңелемә йыуаныс табам...

    Атайым дастандар, легендалар, йырҙар иле – Бөрйән районында тыуған. Мәктәптә уҡығанда төрлө уйын ҡоралдарында уйнарға өйрәнгән, шиғырҙар яҙған.

   Мәктәптән һуң атайым баш ҡалабыҙҙа баянсылар курсын тамамлай. Иҫке Собханғолда район мәҙәниәт йортонда эшләгән. 1971 йылда Өфөгә килә һәм сәнғәт училищеһына уҡырға инә.

   Уны тамамлағас йәш белгесте Учалы районының байр...

06.06.2016

   Гөлназ Хәмәҙинурова:

- Атайым йырлай. Әле яңғыраған “Шахта” йырын ул 5 йәшендә өйрәнә. Ауылда патефон тик Хәмәҙинуровтарҙа ғына була. Шәрифйән олатайым улының һәләтен күреп һыйырын патефонға алмаштыра. Малай хайран ҡалып пластинкалар тыңлай, халыҡ йырҙарына ғашиҡ була, мәшһүр Фәриҙә апай Ҡудашеваның йырҙарын отоп ала.

3 класта уҡығанда беренсе тапҡыр сәхнәгә күтәрелә.

  Сәхнәләге тәүге уңышһыҙлығы атайымдың йырға булған һөйөүен һис кенә лә һүндермәй. Киреһенсә, тағы ла тырышыбыраҡ, сәмләнеберәк алға атларға этәрә. 1967 йылда ул Ҡазанда йәшәгән туғандарына ҡунаҡҡа бара. Унда татар дәүләт йыр һәм бейеү ансамбленең иғланын күрә. Коллективҡа солистар эҙләй икән. 17 йәшлек егет тәүәкәлләгән – таш ярған, ти ҙә конкурста ҡатнашырға йөрьәт итә һәм ансамблгә ҡабул ителә. Артистар М...

01.05.2016

Айгөл Әбсәләмова:

      Алдымда атайым төшөргән фоторәсемдәр. Бына Кәтүк менән Бағанай, икенсе фотографиянан Нәзифә Ҡадырова йылмая, өсөнсөһөндә Лилиә һәм Хәлит Фәтиховтар... Ана Ғәли ағай Хәмзин йырлап тора. Был альбомда Башҡорт дәүләт филармонияһының бер ижад осоро һаҡлана. Атайым йылъяҙмасы ла булған.

Икенсе ҡомартҡы – тауышын мәңгеләштергән яҙмалар. Әҙәби әҫәрҙәрҙе ихлас һәм оҫта итеп уҡыған ул.

       Атайым ысын ижадсы ине. Ниндәй генә ҡаршылыҡтарға юлыҡһа ла, ҡанаттарын киҫергә тырышһалар ҙа, төшөнкөлөккә бирелмәне, һөнәренә хыянат итмәне. “Ул йылдарҙа театр донъяһы менән Рәфҡәт Исрафилов, ә эстрадала Фәтих Иҡсанов идара итте, - тигән фекерҙе күп ишеттем. Был һүҙҙәрҙең хаҡлығына ваҡыт үтеү менән генә төшөндөм. Атайым сәх...

13.03.2016

   Сабина Кучаева:

- Миңә биш-алты йәш самаһы. Атайым менән икәү сәхнәлә йырлайбыҙ. Ул оҙон буйлы, ҡара бөҙрә сәсле, матур костюмда. Атайым эргәһендә мин дә үҙемде ышанслыраҡ тоям. Йылмаям. Бейейем һәм йырлайым. Тамашасылар алҡышлай, сәскәләр һәм уйынсыҡтар бүләк итә. Миңә иғтибар үҙәгендә булыу оҡшай.

Был атайым Насип Кучаев тураһында үтә лә ҡәҙерле хәтирәләр... Иҫтәлектәргә бирелеү күңелде йыуата, һағышты баҫа, әрнеүҙәрҙе оноттора.  

Беҙҙең арала булһа, беҙ бөгөн дә уның менән бергә сәхнәлә торор инек. Мине йырсы итеп күрергә теләгән атайым, бик ҡыуаныр ине.

Атайым Ырымбур өлкәһенән. Ишле ғаиләлә тәрбиәләнә. Һамар ҡалаһында мәҙәниәт институтының тынлы инструменттар бүлегендә белем ала. Тыуған еренә ҡайтып, илһамланып эш башлай....

21.02.2016

Яҙыусының ҡыҙы Гүзәл Хамматова:

 

- Атайымдың эш бүлмәһе. Бында барыһы ла элеккесә. Бөтәһе лә ул һалғанса. Беҙҙең аранан китеүенә 15 йыл үтте. Был йылдар эсендә әлбиттә, бүлмәлә үҙгәрештәр булды. Әммә шәхси әйберҙәре үҙ урынында, ул ҡуйғанса ҡала. Китап кәштәһендәге романдары ла нисек теҙһә, шул тәртиптә тора.

Ваҡыт аға. Әммә атайым һаман да беҙҙең эргәлә кеүек. Хәтирәләрҙә тере килеш һаҡлана...

Тыуған йортҡа ҡайтҡан һайын иң тәүҙә тәҙрәгә бағам. Унан миңә төбә...

15.12.2015

Иҙел Иҙрисов:

 

"Минең атайым – Ғилман Иҙрисов. Бәлки был исемде хәтереләй алмаусылар ҙа булыр? Әммә атайымдың ҡайһы бер йырҙарын атау менән уны иҫләрҙәр. “Һағыныу йыры”, “Һиңә килдем, иркәм”, “Кисер мине, әсәй, ғәфү ит”, “Бер ҡайтаһы ине тыуған яҡҡа”. Уларҙы бер нисә быуын яратып йырлаған.

Атайымдың тыуған яғы -  Ейәнсура районының Мөхәмәтйән ауылы. Халыҡтағы атамаһы -  Серәкәй. Олатайым Уйылдан Бөйөк Ватан һуғышында ҡатнаша. Фронттан ҡайтҡас, бригадир булып эшләй. Өләсәйем Фәрхиямалға бик һирәктәр генә исеме менән өндәшкән, тиҙәр. Бөтәһе лә уны хө...

17.10.2015

Шағирҙың улы Рәсүл Дәүләтҡолов:

 

- Атайымды асыҡ ҡына төҫмөрләй алмайым. Ул беҙҙең аранан киткәндә миңә ни бары 4 йәш тулған. Уның йылмайыуы, сабыйҙарса ҡыуаныуы һис кенә лә иҫемдән сыҡмай. Көлөр, һәр ваҡыт шаяртыр ине.

Әҙерәк үҫә төшкәс, әсәйем миңә атайымдың хатын бирҙе. Унда “Әсәйеңде тыңла!” тип яҙылғайны. Ҡыҙғанысҡа ҡаршы, әсәйем дә унан һуң оҙаҡ торманы, баҡыйлыҡҡа күсте. 

Атайым Әбйәлил районының Әлмөхәмәт ауылында тыуып үҫкән. Был төбәктә далалар бөтөп, Урал тауҙары башлана, данлыҡлы Ҡыҙыл йылғаһы аға.

Атайым йыш ҡына дауаханала ятҡан. Д...

17.10.2015

Композиторҙың улы Вячеслав Голов:

 

- “Бөрлөгәнем” йыры яңғырай. Күптәр  уны халыҡ йыры тип иҫәпләй. Был әҫәрҙе иһә минең атайым - композитор Николай Афанасьевич Голов яҙған. Йыр сәнғәтен яратыусылар уны Наил Ғәлиев тип таный. Милләте буйынса урыҫ, йөрәге һәм күңеле  менән башҡорт булған атайым бөтә ғүмерен музыкаға бағышланы. Йырҙарында мөхәбәтте, яҡташтарыбыҙҙы һәм  тыуған еребеҙҙе данланы. Йылдар үтеү менән мин хатта, уның һымаҡ башҡорт сәнғәтенә фиҙаҡәр хеҙмәт иткән бүтән урыҫ юҡтыр тигән фекергә киләм.

Атайым Николай Голов Федоровка районында тыуған. Өләсәйем бик йәшләй генә донъя ҡуя. Өс-дүрт йәшлек малай Стәрлебаш район...

23.05.2015

Гөлнәзирә Баһуманова:

   

- Рим! Был атайымдың тәүге исеме. 20 октябрҙә ҡар-буран ҡоторған мәлдә донъяға килгән сабыйға өләсәйем менән олатайым заманса исем ҡушҡан. Садиҡ мулла иһә уның ҡолағына “Аҫылғужа” тип ҡысҡырған. Һәм малай ошо исемдә үҫкән. Атайым паспорт алғанда ла документта исемен Аҫылғужа тип ҡалдырған.

Атайым мәктәптә уҡығанда уҡ ҡәләм тибрәтә башлай. Тәүге шиғырҙары Баймаҡ район газетаһында баҫыла. Темәс-интернат мәктәбендә 9-сы синыфта уҡығанда Тарих, тел һәм әҙәбиәт институты иғлан иткән “тыуған яҡ риүәйәттәре” конкурсында ҡатнаша. Атайсалының легендаларын өйрәнә. Уның тиг...

20.04.2015

Миләүшә Иҙрисова:

 

- Ҡулымда атайымдың скрипкаһы. Ул һаман да хужаһының ҡул йылыһын һаҡлай кеүек. Тап ошо уйын ҡоралы атайымды тылсымлы музыка донъяһына килтергән. Күршелә йәшәгән ағай иҫкергән скрипканы мейескә яғырға уйлай. Атайым иһә уны һорап, үҙенә ала. Бер ҡышта ул ауылдаштары белгән бөтә көйҙәрҙе башҡарырға өйрәнә. Үҙе лә халыҡ йырҙарына оҡшаған көйҙәр сығарыу тураһында хыяллана. Скрипка атайыма мәшһүр композитор булып үҫешергә, беҙҙең һәм Башҡортостандың ғорурлығына әйләнергә этәргес бирә.

Быйыл атайым 80 йәшен тултырыр ине. Ул тормошто яратты, ейәнсәрҙәренә ҡарап ҡыуанды, йырлап йәшәне. Әҫәрҙәре беҙҙең өсөн иң ҡә...

24.02.2015

Шағирҙың улы Салауат Әлибаев:

 

- Бөгөн 21 февраль – атайымдың тыуған көнө. Иртә менән дуҫтары, яҡындары һәм яҡташтарынан ҡотлауҙар ҡабул итә торғайны. Телефон һис кенә лә тынмай. Кәйефе - күтәренке, йөҙөнән - йылмайыу китмәй. Ул шат һәм бәхетле. Һәр кем менән ихлас һөйләшә, йырлап та ебәрә...

Атайым тормоштоң һәр мәленән йәм һәм тәм табып йәшәне. Янындағы кешеләргә лә ҡыуаныс ҡына өләште. Итәғәтле, киң күңелле булды. Бер ҡасан да тауыш күтәрмәне. Балалар һымаҡ эскерһеҙ ине. Тормошто яратты, донъяның мөғжизәле икәнлегенә ышанды, илһамланып ижад итте, матурлыҡты, изгелекте данлап...

26.01.2015

Эй, кешеләр, мин бит бары һеҙҙе

Йөрәгемдән артыҡ яраттым...

Йырҙарымды, таң нурына төрөп,

Доға итеп һеҙгә тараттым...  

 

Тапшырыуҙа Ринат Хәйриҙең яҡташтары - Рәсүл Хәбибуллин, Хәлисә Рәжәпова, Рәсилә Басырова, Ғәлимә Ғәлиева, Татарстандың халыҡ шағиры, Ғабдулла Туҡай исемендәге дәүләт премияһы лауреаты Роберт Миңнуллин, Башҡортостандың халыҡ шағирҙары Ҡәҙим Аралбай, Марат Кәримов, шағирҙың хәләл ефете Айһылыу Зәки ҡыҙы Хәйретдинова, күренекле яҙыусы, Салауат Юлаев исемендәге дәүләт премияһы лауреаты Ғәлим Хисамов...

15.12.2014

Шәүрә Дилмөхәмәтова:

 

"Һаҡмар буйҙарын яңғыратып моң ағыла. Атайым ҡурайҙа уйнай. Йырҙарҙың тарихын һөйләй. Унан һуң, колохоздан алынған аттарға менеп, Иҫке Яҡуптың ялан, ҡырҙары буйлап сабып китәбеҙ. Йылы ел битемде иркәләй. Атайым: “ҡыҙым, ҡолонсағым, нығыраҡ тотон, ҡолап ҡуйма”, - тип мине ҡайғыртып килә... Мин иһә үҙ-аллы булыуымды, ҡыйыу икәнлегемде күрһәтергә тырышып, аттың йүгәнен тартам һәм алға ынтылам... 

Был күңелгә уйылып ҡалған баласаҡ хәтирәһе. Тормошомдағы иң бәхетле мәлдәрҙең береһе...

Атайым Ишмулла Дилмөхәмәтовтың беҙҙең аранан китеүенә 30 йыл үтте. Әммә күңел был юғалтыуға һис кенә лә ышанырға теләмәй. Й...

10.11.2014

Зөһрә Бүләкова:

 

"Сибәр, яҡты ҡарашлы, асыҡ йөҙлө, мөһәбәт кәүҙәле тиҙәр атайым тураһында. Ә беҙҙең өсөн ул атай, донъялағы иң ҡәҙерле кеше. Таҫмаға яҙылған тауышын тыңлайбыҙ. Китаптарын уҡыйбыҙ. Геройҙары араһында үҙебеҙҙе, холоҡ-фиғелебеҙҙе таныйбыҙ, хатта баласаҡта әйтелгән һүҙҙәргә тап булабыҙ. Атайыбыҙ беҙҙең өсөн өҙөлөп торҙо. Беҙ ҙә уны яраттыҡ. Яратабыҙ. Телгә алмаған бер генә көнөбөҙ ҙә юҡ. Ул арабыҙҙа булмаһа ла, беҙҙең өсөн төндә юл күрһәтер яҡты йондоҙ, рухи  таяныс".

15.09.2014

Айҙар Хәмзин:

 

- Ҡоҙғон-Әхмәр ауылына ҡайтҡан һайын Кирәл тауына һоҡланып, үҙем дә һиҙмәҫтән йырлай башлайым. Ошо моһәбат тау атайымды хәтерләтә... Ул да тау итәгенә баҫып йырларға яратҡан. Моңло тауышын бындағы ағастар, шишмәләр һәм йылғалар һаман да хәтерләй кеүек... Кендек ҡаны тамған тупраҡ та атайымдың йөрәгенән урғып сыҡҡан моңдо онотмайҙыр...

Атайымдың баҡыйлыҡҡа күсеүенә тиҙҙән 5 йыл. Алтмышы ла тулмағайны. Көсө, дәрте ташып торған саҡта ғүмеркәйе өҙөлдө... Тормошҡа ашмаған хыялдары ҡалды...

Һағынам мин атайымды...

Минең өсөн ул һөйләгәндәрҙең бө...

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә -8..-10°C
иртән -9..-11°C
көндөҙ -6..-8°C
кис -10..-12°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.