Беҙҙең проекттар

14.12.2017

Бөгөн беҙҙә ҡунаҡта Башҡортостандың атҡаҙанған уҡытыусыһы, Рәсәй Федерацияһының мәғәриф отличнигы, мәғәриф ветераны Зәһүрә Дәүләтша ҡыҙы Байтурина ейәнсәре  "Сәңгелдәк", "Иләү" тапшырыуҙарының алып барыусыһы Йәмилә Хисаметдинова һәм ҡыҙы Башҡорт Дәүләт Университетының математика факультеты доценты Гөлназ Хисаметдинова менән.

06.12.2017

"Тамыр" каналы ойошторған "Сулпылар" республика телевизион конкурсына быйыл 25 йыл. Бына инде сирек быуат республикабыҙҙың иң һәләтле, иң дәртле йәштәре был бәйгелә үҙ көсөн һынай. Быйылғы "Сулпылар-2017"лә республикабыҙҙың төрлө район-ҡалаларынан 200-гә яҡын һәләтле ҡыҙҙар-малайҙар бәйге тотто. Ә финалға инде шуларҙың 12-һе генә килеп етте. Һәм бөгөн уларҙың барыһы ла "Өфө уттары" күңел асыу комплексында  "Сулпылар йондоҙҙары бейетә" дискотекаһында сығыш яһай.

30.11.2017

Бөгөн студия ҡунаҡтары кемдәр икән тип баш ватаһығыҙмы? Әлбиттә, йәштәр! Беҙ һеҙҙе дәртле, уңған, тырыш, һәләтле йәштәребеҙ менән таныштырыуҙы дауам итәбеҙ. Тап шундай шәп йәштәр ойоштора ла инде 1-3 декабрҙә Башҡортостаныбыҙҙың баш ҡалаһында үтәсәк "Өфө-форум" йәштәр мәғәриф форумын.

Һәм бөгөн беҙҙең студияла ошо матур, ҙур әһәмиәткә эйә сараны ойошторусы, унда ҡатнашыусы йәштәр үҙҙәре. Улар: Рүзилә Юлыҡова, Байрас Азаматов һәм Илүзә Мөхәмәтйәнова.

 

23.11.2017

"Сулпылар" Республика йыр-моң телевизион конкурсы йыл дауамында бара. 3-сө турға уҙған йырсыларҙы телевизор аша ғына түгел, быйыл барып күреү мөмкинлеге лә бар. Һүҙебеҙ "Сулпылар" дискотекаһы хаҡында. Был шәп дискотека "Өфө уттары"ның 11 клубында уҙасаҡ. Бөгөнгө әңгәмәбеҙ шул хаҡта. Студия ҡунаҡтары: "Сулпылар" бәйгеһенең мөхәррире Ләйсән Усманова, проекттың режиссеры Альбина Йосопова һәм "Тамыр"ҙың музыкаль мөхәррире, композитор Айбулат Кәримов.

15.11.2017

"Тамыр" каналы үҙ тапшырыуҙарында ҡыҙыҡлы шәхестәр, йондоҙҙар менән таныштыра. Бөгөнгө студия ҡунағы Мәжит Ғафури исемендәге Башҡорт академия драма театры актеры, "Ҡош юлы" фестивале еңеүсеһе һәм яңыраҡ республикабыҙҙа мәртәбәле исемдәрҙең береһе Шәйехзада Бабич исемендәге Дәүләт республика йәштәр премияһы лауреаты  Артур Кәбиров һәм уның улы Тимерхан.

09.11.2017

Беҙ тапшырыуҙарҙа үҫмерҙәрҙе борсоған һорауҙарға яуаптар эҙләйбеҙ. Бөгөнгө көндә уларҙы уҡыуҙан тыш нимә борсой? Әлбиттә, төҫ-башы, тиҫтерҙәренең мөнәсәбәте борсой. Үҙеңде ышаныслыраҡ тойоу өсөн тышҡы ҡиәфәтең менән ҡәнәғәт булыу кәрәк. Юғиһә, бала үҙ-үҙенә бикләнә, комплекстар барлыҡҡа килә. Бөгөнгө тапшырыу ҡунағы Гүзәл Ирек ҡыҙы Ямалова - һөнәре буйынса косметолог-дерматолог. Ул үҫмерҙәрҙе һәм уларҙың ата-әсәләрен борсоған һорауҙарға яуап эҙләшә.

02.11.2017

"Тамыр" каналы үҙ тапшырыуҙарында ҡыҙыҡлы шәхестәр, балҡып килгән йондоҙҙар менән таныштырыуҙы дауам итә. Бөгөнгө ҡунаҡтар Башҡортостандың атҡаҙанған артисы бейеүсе Урал Мортазин һәм уның улы Арыҫланбай.

26.10.2017

Дуҫтар, һеҙ көҙ көнө сәскә атҡан бәпембәне күргәнегеҙ бармы?

Ә минең бар. Һүҙем Республика балалар шиғриәте фестивале «Бәпембә» тураһында.

Бөгөн беҙҙең студияла ошо фестивалде ойоштороусылар үҙҙәре. Улар:

“Аҡбуҙат”  журналының баш мөхәррире Тамара Ишбулды ҡыҙы Юлдашева менән журналдың яуаплы сәркәтибе Айнар Байбулатов.

 

05.10.2017

Бөгөнгө тапшырыу ҙур байрам - уҡытыусылар көнөнә арнала. Беҙҙең студия ҡунағы ла уҡытыусы, дөрөҫөрәге, ул - уҡытыусыларҙың уҡытыусыһы. Шулай итеп, бөгөн беҙҙең студияла М.Аҡмулла исемендәге Башҡорт дәүләт педагогия университеты доценты, уҡытыусы Зәки Арыҫлан улы Әлибаев.

28.09.2017

Бөгөн беҙ һеҙҙе йыр-моң иле - сәнғәт донъяһына саҡырабыҙ. Ә студия ҡунағы был моң донъяһында күптән инде үҙ кеше. Етди музыка серҙәренә бәләкәйҙән төшөнөп, скрипкасы булырға хыялланған музыкант З.Исмәғилев исемендәге Өфө сәнғәт институты музыка факультеты студенткаһы Башҡортостандың йәштәр симфоник оркестры скрипкасыһы Илзирә Ҡудашева.

21.09.2017

"Тамыр" каналы үҙ тапшырыуҙарында ҡыҙыҡлы шәхестәр, балҡып торған йондоҙҙар менән таныштыра килә. Бөгөн беҙ  М.Ғафури ис. башҡорт дәүләт академия драма театры актеры Морат Рафиҡов һәм уның әсәһе Зинира Рәсүл ҡыҙын саҡырҙыҡ.

14.09.2017

Яңы уҡыу йылы башланып тора. Ә күп ҡыҙҙар-егеттәр һаман булһа йәй хәтирәләре, күңелле каникулдарҙы һағына. Сөнки йәйге ял, каникулдар - күңел түрендә йөрөткән хыялдарҙы тормошҡа ашырыу мәле лә. Теләккә - тырышлыҡ, тырышлыҡҡа маҡсатҡа ынтылыусанлыҡ өҫтәһәң, барса хыялдар ҙа тормошҡа аша, яуланмаҫтай күренгән бейеклектәр ҙә яулана. Беҙ һеҙҙе үҙ хыялдарын үҙҙәре тормошҡа ашырыусы, ысынбарлыҡ итеүсе йәштәребеҙ менән таныштырыуыбыҙҙы дауам итәбеҙ. Бөгөн беҙҙең студияла Башҡорт дәүләт университеты студенттары : башҡорт филологияһы һәм журналистикаһы факультетынан Айзилә Мөлөкөва менән биология факультетынан Әнүәр Йосопов. Тыңлайыҡ йәштәрҙе.

14.06.2017

 "Урал батыр вариҫтары" ярыштары республикабыҙҙың барлыҡ башҡорт гимназиялары һәм лицейҙарын берләштерҙе. Унда бөтәһе 800-гә яҡын уҡыусы ҡатнашты. Спартакиаданы ойоштороусылар һәм унда ҡатнашыусылар Бөтә донъя башҡорттары ҡоролтайы башҡарма комитеты ағзаһы Марат Ғилманов, спартакиадала көрәш турнирының абсолют батыры исемен алған егет, Р.Ғарипов ис. 1-се гимназия-интернаты уҡыусыһы Иҙел Дәүләтбирҙин һәм Ҡ.Дәүләтҡилдиев ис. республика һынлы сәнғәт гимназия-интернаты уҡыусыһы Алһыу Абсалиҡова бөгөн беҙҙең студия ҡунаҡтары.

08.06.2017

Һуңғы ваҡытта төрлө жанрҙа башҡортса  төшөрөлгән фильмдар ҡарап шатланабыҙ. Уларҙы, әлбиттә, үҙ эштәренең оҫталары, махсус белемле режиссерҙар, операторҙар төшөрә. Һәүәҫкәр кино төшөрөүселәр ҙә артҡандан-арта бара. 

Әленән-әле һәүәҫкәрҙәр төшөргән фильмдар өсөн төрлө-төрлө бәйге-фестивалдәр ойошторолоп тора. Бөгөн һүҙебеҙ шундай фестивалдәрҙең береһе - "Толпар" балалар-үҫмерҙәр һәм йәштәр теле-кинофестивале тураһында. Һәм беҙҙең студияла ошо фестивалде ойоштороусылар һәм ҡатнашыусылар: фестивалгә нигеҙ һалыусы, ойоштороу комитеты етәксеһе, Башҡорт дәүләт университетының Стәрлетамаҡ филиалы 2-се курс студенты Рәфис Ҡойбағаров, фестиалдең 2015 йылғы еңеүсеһе, Гран-при хужаһы, Нефть-техник университеты студенты Илназ Мостафин, фестивалдең 2016 йылғы лауреаты, Башҡорт дәүләт университеты студенты Зәриә Моста...

31.05.2017

Шау-гөр килеп торған мәктәптәр тынды, балаларҙың каникулдары башланды. Һәм ошо йәмле миҙгелдә барыбыҙҙы ла балаларыбыҙҙың хәүефһеҙлеге борсой.Бөгөнгө әңгәмәбеҙ ҙә каникулдар мәлендә балаларҙың хәүефһеҙлеге тураһында. Был хаҡта беҙ психолог Рәйлә Минихәй ҡыҙы Сабитова менән һөйләшәбеҙ.

25.05.2017

 25 майҙа, ғәҙәттәгесә, Республикабыҙ мәктәптәрендә һуңғы ҡыңғырау яңғыраясаҡ. Бөгөн беҙҙең студияла ҡунаҡта, әлбиттә, 11-селәр: Республика инженер лицей интернаты егеттәре Сыңғыҙ Нәҙерғолов менән Нургиз Усманов, Р.Ғарипов исемендәге республика башҡорт гимназияһынан Дилә Рәсембәтова һәм Өфөнөң 128-се мәктәбе һылыуы, "Тамыр" каналының "Тау-тау хәбәр" тапшырыуы алып барыусыһы Гөлгөнә Баһаутдинова. (24 май тура эфирынан яҙма.)

18.05.2017

Мәктәпте тамамлаусылар башкөлләй уҡыуға сумған, улар Берҙәм дәүләт имтихандарына әҙерләнә. Бөгөн һүҙебеҙ нәҡ ошо имтихандар хаҡында.  Беҙҙең студия ҡунаҡтары Республика инженер-лицей интернатынан Рима Нуритдин ҡыҙы Иманғолова һәм 11-се класс уҡыусылары, Рәми Ғарипов исемендәге 1-се республика гимназияһынан Гөлнара Яхина, Ҡ.Дәүләткилдиев исемендәге һынлы сәнғәт гимназия-интернатынан Ильяс Рафиҡов.

10.05.2017

Бөгөн беҙҙең студия ҡунаҡтары Бөйөк Ватан һуғышы ветераны Абдулла Ноғман улы Ваһапов, уның килене, Мостай Кәрим ис. 158-се башҡорт гимназияһының инглиз теле уҡытыусыһы Тәнзилә Дәүләтбай ҡыҙы Сәғитова менән ейәнсәре Азалия.

04.05.2017

"Йәш төҙөүсе",  "Башҡортостан пионеры", "Йәншишмә" ... Был исемдәр радио тыңлаусыларыбыҙға яҡшы таныш. Бөгөн беҙҙең студия ҡунағы "Йәншишмә" гәзитенең баш мөхәррире Мирсәйет Ғүмәр улы Юнысов.

( 3 май тура эфирынан яҙма.)

27.04.2017

Әлеге мәлдә "Тамыр" телеканалы үҙенең 25 йыллыҡ юбилейына арнап "Бейеклектәр яулайбыҙ" тип аталған концерт уҙғара. Сара Башҡортостан дәүләт концерт залында гөрләй. Меңдән ашыу тамашасы, 25 концерт номеры, фойела "Тамыр" яулаған Тэфи һәм башҡа дәрәжәле приздар, дипломдар күргәҙмәһе, сағыу ҡурсаҡтар, Стәрлетамаҡ комбинатынан килгән тәмлекәстәр, бүләктәр, уйындар - барыһы ла күңелгә хуш килеп тора. Ниндәйҙер сәбәптәр арҡаһында концертҡа килә алмағандар өсөн был йәнле кисәнән репортаж тәҡдим итәбеҙ.(26 апрель тапшырыуынан яҙма.)

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә -8..-10°C
иртән -9..-11°C
көндөҙ -6..-8°C
кис -10..-12°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.