Яңылыҡтар

19:50 - 17.07.2018

Башҡортостанда ярты йыл эсендә 213 миллиард һумдан ашыу һалым йыйылған. Һалым хеҙмәтенең республика идаралығынан хәбәр итеүҙәренсә, был сумманың 112 миллиард һумдан күберәге федераль ҡаҙнаға йүнәлтелгән, ҡалған өлөшө республика тупланма бюджетын тулыландырған. Аҡсаның ҙур өлөшө ҡаҙылма байлыҡтар табыуға һәм алған килемгә һалынған һалымдарға тура килә.

ҡаралған: 15
18:34 - 17.07.2018

Башҡортостан торлаҡ төҙөлөшө буйынса Волга буйы округында алдынғылар иҫәбендә. Статистика хеҙмәтенән белдереүҙәренсә, республикала беренсе ярты йыллыҡта 870 мең квадрат метрҙа 10 мең ярым фатир сафҡа индерелгән. Был күрһәткес буйынса төбәк Волга буйы округында икенсе урында килә. Яңы торлаҡтың байтаҡ өлөшө ябай халыҡҡа тура килә. Граждандар яҡынса 6 мең йорт һалып ингән.

ҡаралған: 12
17:37 - 17.07.2018

Башҡортостанда быйыл 92 ялған купюра асыҡланған. Милли банктың республика бүлексәһенән хәбәр итеүҙәренсә, башлыса 5 мең һумлыҡ банкноталарҙы баҫҡандар. Шулай уҡ 1 мең һумлыҡ ялған аҡсалар йыш осрай. Яңы купюралар әйләнешкә ингәндән һуң 2 мең һумлыҡ ике ялған банкнота табылған. Башҡортостанда законһыҙ сығарылған аҡса йылдан-йыл аҙыраҡ теркәлә, быны электрон иҫәпләшеү системаһының киңерәк ҡулланыла барыуы менән аңлаталар.

ҡаралған: 12
16:43 - 17.07.2018

Республика ғәҙәттән тыш хәлдәр министрлығы иртәгә көслө ел тураһында иҫкәртә. Синоптиктар елдең тиҙлеге 20 метрға тиклем етеүе хаҡында фаразлай. Шулай уҡ алдағы көндәрҙә йәшенләп ямғыр яуыуы ихтимал. Бәлә-ҡазаға тарымаҫ өсөн ҡотҡарыусылар ел ваҡытында ағас, реклама щиттары, электр линиялары һәм нығытылмаған ҡоролмаларҙан алыҫыраҡ йөрөргә кәңәш итә.

ҡаралған: 13
16:14 - 17.07.2018

Өфөлә гараждарҙы һүткәндән һуң да балалар өсөн хәүеф һаҡлана. Был проблема бөгөн ҡала хакимиәтендә үткән кәңәшмәлә иғтибарға алынды. Гараждар урынында соҡор-ҡоҙоҡтар ҡалыуы, уларҙың тәү сиратта балалар өсөн хәүефле булыуы тураһында әйтелде. Каникул ваҡытында айырыуса көнүҙәк, иғтибарға алырға кәрәк, тип белдерелде кәңәшмәлә. Өфөлә 2014 йылда 11 йәшлек ҡыҙҙы гараждар араһында үлтергәндән һуң, тыйылған урындағыларын һүтеү тураһында ҡарар ҡабул ителде.

ҡаралған: 13
15:10 - 17.07.2018

5 өлкән кеше һәм 7 бала инфекцияны йоҡтороп дауаханаға һалынғайны. Улар башлыса Өфө ҡалаһы һәм районында йәшәүселәр. Ҡыҙамыҡты элегерәк "балалар тағуны" тип тә йөрөткәндәр, табиптар әйтеүенсә, унан һаҡланыу өсөн берҙән-бер ысул - прививка эшләтеү. Балалар өсөн вакциналау башлыса бер һәм алты йәштәрҙә ойошторола.

ҡаралған: 16
14:18 - 17.07.2018

Республикала 1 мең 400-ҙән ашыу ғаилә беренсе бала өсөн 300 мең һум алған. Башҡортостан Хөкүмәтендә республика башлығы Указы үтәлеше ҡаралды. 300 мең һум алыуға 5 меңдән ашыу ғаилә ғариза биргән. Уларҙың өстән бер өлөшө тейеш сумманы алған, йәнә 1 мең 750 ғаиләгә сертификат бирелгән. Республика башлығы исеменә күпләп мөрәжәғәттәр килгәндән һуң бер тапҡыр бирелә торған социаль түләү алыуға хоҡуҡлылар исемлеге киңәйтелде, программаға инеү шарттары йомшартылды. Ата-әсәләрҙең йәше 35-тән артмаҫҡа, ғаилә торлаҡҡа мохтаж тип...

ҡаралған: 19
13:15 - 17.07.2018

Иртәгә, 18 июлдә, республикала һәм Өфөлә көндөң аяҙлы-болотло булыуы, урыны менән бер аҙ ямғыр, айырым райондарҙа көслө ямғыр, боҙборсаҡ яуыуы көтөлә. Ел көнсығыштан һәм көньяҡ-көнсығыштан талғын, көндөҙ көсәйеүсән. Һауа температураһының республикала төндә +14, +19, көндөҙ +23,+28 градус, Өфөлә төндә +16,+18, көндөҙ +24, +26 градус йылы булыуы күҙаллана. Алдағы ике көндә яуым-төшөмдөң кәмеүе көтөлә.

ҡаралған: 13
12:37 - 17.07.2018

Өфөлә голланд сырын әрмән сыры маркаһы аҫтында һатҡандар. Ауыл хужалығын күҙәтеү һәм Таможня хеҙмәттәре белгестәре Орджоникидзе баҙарында тикшереү уҙғарған. Уның барышында сырҙың сортына шик тыуған. Партияның Нидерландтарҙа сығарылыуы, Әрмәнстан маркаһы менән һатылыуы асыҡланған. Сырҙы тартып алғандар һәм юҡ иткәндәр. Рәсәйгә Көнбайыш илдәренән ҡайһы бер төр аҙыҡ-түлек, шул иҫәптән, сыр индереү тыйылған. Әрмәнстан иһә Евразия иҡтисади берлеге ағзаһы булып тора, сауҙа өсөн ҙур ташламалар...

ҡаралған: 11
11:43 - 17.07.2018

Башҡортостан Ғаилә, хеҙмәт һәм халыҡты социаль яҡлау министрлығы "Ғаилә - изгелек бумерангы" тигән проект иғлан итте. Акция бөтә республика буйынса ойошторола. Яңы һәм ҡулланыуҙа булған балалар әйберҙәре - мебель, уйынсыҡтар, велосипед, сана, атлап йөрөү өсөн ҡулайламалар йыйыла. Улар иһә балалы ғаиләләргә ваҡытлыса ҡулланыуға тапшырыла. Балалар әйберҙәрен Республика "Ғаилә" ресурс үҙәгенең бөтә бүлексәләрендә тапшырырға мөмкин, тип хәбәр итәләр ведомствонан.

ҡаралған: 12
11:09 - 17.07.2018

Өфөлә ял көнө йәрминкәһендә 2 миллион һумға 11 тонна еләк һатылған. “Еләк силәге” тип аталған сауҙа фестивалендә 2 мең ярым кеше ҡатнашҡан. Шаран, Балтас, Борай, Иглин, Кушнаренко, Нуриман, Өфө райондары хужалыҡтары ҡала халҡына еләк тәҡдим итте. Бындай йәрминкәләрҙә хаҡтар ҙа тешләшмәй. Еләктең бер килограмы төрөнә ҡарап 150-нән 250 һумғаса тәҡдим ителгән, тип хәбәр итә ойоштороусылар.

ҡаралған: 14
10:57 - 17.07.2018

Бөгөн - этнограф көнө. Шулай уҡ был көн Бүләктәр биреү көнө булараҡ та билдәле. Июль айының эҫе көндәрендә һалҡын һауа өрҙөргән кондиционерҙың да уйлап табылыуына бөгөн теүәл 203 йыл тула.

ҡаралған: 15
10:05 - 17.07.2018

Башҡортостанда М5 трассаһының Туймазы районы аша үткән өлөшөндә Нөгөш йылғаһы аша күперҙә ремонт тамамланды. Машиналар хәрәкәте тергеҙелде, тейешле юл билдәләре ҡуйылды, тип хәбәр итәләр "Приуралье" юл идаралығынан. Нөгөш йылғаһы аша күперҙә ремонт уҙған йылдың ғинуарында башланғайны. Төпкилде ауылына үтеү өсөн машиналар йөрөшөндә лә үҙгәрештәр булды.

ҡаралған: 16
09:40 - 17.07.2018

Башҡортостан уҡыусылары Берҙәм дәүләт имтихандарын яҡшыраҡ тапшыра башлаған. Ошо турала Мәғариф министры Гөлназ Шафиҡова Республика Хөкүмәтендә үткән оператив кәңәшмәлә белдерҙе. Быйыл Берҙәм дәүләт имтихандарын 19 мең кеше тапшырҙы. Сығарылыш класс уҡыусылары өсөн мәктәптәрҙә 98 пункт эшләне. Егеттәр һәм ҡыҙҙар башлыса йәмғиәтте өйрәнеү фәнен һайлаған. Бынан тыш, физика, биология, химияны тапшырыусылар артҡан, ә география менән әҙәбиәтте һайлаусылар кәмегән. Берҙәм дәүләт имтихандарында 81 балдан күберәк йыйыусылар артҡан, 11 фән буйынса...

ҡаралған: 16
09:11 - 17.07.2018

Хәҙер атайҙары һәм әсәйҙәре ялдарын теләгән ваҡытта ала аласаҡ. Дәүләт Думаһы ошо турала яңы ҡанун проектын тәүге уҡыуҙа ҡабул итте. Бының өсөн Хеҙмәт кодексына үҙгәрештәр индерелә. Уға ярашлы, 12 йәшкә тиклемге 3 һәм унан да күберәк балаһы булған ата менән әсә йыл һайын бирелә торған бер айлыҡ түләүле ялдарын үҙҙәренә оҡшаған ваҡытта аласаҡ, эш биреүсенең отпуск графигы уларға ҡағылмай.

ҡаралған: 16
08:30 - 17.07.2018

Башҡортостандың халыҡ яҙыусыһы, Салауат Юлаев исемендәге премия лауреаты Ноғман Мусин бөгөн 87 йәшен билдәләй. Хикәйәләре, “Зөһрә”, “Төпкөлдән төшкән килен”, “Аҡ юл һиңә!” һәм башҡа повестары, “Өҙәрем юл кешеләре”, “Һайлап алған яҙмыш”, “Мәңгелек урман”, “Зәңгәртауҙа – аҡ болан” романдары күптәрҙең яратып уҡыған әҫәрҙәре. Яҙыусы әле лә ижад ҡомары менән янып йәшәй.

ҡаралған: 10
08:03 - 17.07.2018

Башҡортостан аграрийҙары ҡышҡылыҡҡа бесән әҙерләү буйынса экваторға яҡынлашып килә. Ауыл хужалығы министрлығынан хәбәр итеүҙәренсә, бөгөнгә хужалыҡтар 331 мең тонна бесән һәм 812 тонна сенаж әҙерләгән. Дөйөм план 44 һәм 48 процентҡа үтәлгән. Ҡышты уңышлы үткәреү өсөн һәр мал башына 30 центнер аҙыҡ кәрәк. Әлеге мәлгә 9 центнер тура килә. Благовещен, Ҡырмыҫҡалы, Илеш һәм Бөрө райондары хужалыҡтарында күрһәткестәр айырыуса яҡшы.

ҡаралған: 15
07:51 - 17.07.2018

Башҡортостан халҡы Байкал аръяғы крайында ташҡындан зыян күреүселәргә ярҙам күрһәтә ала. “Берҙәм Рәсәй” партияһы гуманитар ярҙам йыйыуҙы иғлан итте. Хәйриә сараһына сәйәси фирҡәнең республика бүлексәһе лә ҡушылды. Кейем-һалым, төрлө кәрәк-яраҡтар, аҙыҡ-түлек тапшырырға була. Махсус иҫәпкә аҡса күсереп ярҙам итергә лә була. Оҙайлы ямғыр арҡаһында Байкал аръяғы крайында көслө ташҡын булды. Юлдар йыуылған, күперҙәр емерелгән, йорт-ҡураларға һыу үтеп ингән, халыҡ эвакуацияланды. Төбәктә ғәҙәттән тыш хәл тәртибе иғлан ителде.

ҡаралған: 13
07:18 - 17.07.2018

Рәсәй президенты грантын алырға теләүселәрҙән заявкалар ҡабул ителә. Уҙған көн икенсе конкурсҡа старт бирелде. Коммерцияға ҡарамаған ойошмаларға финанс ярҙам 13 йүнәлеш буйынса күрһәтелә. Документтар 10 сентябргәсә махсус сайтта ҡабул ителә. Проект эстәлегенә ҡарап 10 миллион һумғаса грант оторға мөмкин. Башҡортостан Йәмәғәт палатаһы конкурста ҡатнашырға теләк белдергән ойошмаларға документтарҙы дөрөҫ тултырыу буйынса ярҙам күрһәтергә әҙер. Рәсәй президенты гранттары йылына ике тапҡыр тапшырыла. Беренсе конкурс һөҙөмтәләре буйынса,...

ҡаралған: 15
06:46 - 17.07.2018

Башҡортостанда Социаль торлаҡ программаларын тормошҡа ашырыу буйынса идаралыҡ ойошторола. Ошо турала Республика Хөкүмәтендә оператив кәңәшмә әйтелде. Төҙөлөш һәм архитектура буйынса дәүләт комитеты рәйесе урынбаҫары Егор Родин белдереүенсә, идаралыҡ хеҙмәткәрҙәре социаль торлаҡ программалары буйынса халыҡҡа кәңәш бирә, документтар юлларға ярҙам итә. Ошондай ведомствоны ойоштороуҙың кәрәклеге Республика Башлығы Рөстәм Хәмитовтың балалы ғаиләләргә ярҙам тураһындағы указын тормошҡа ашырыу менән бәйле. Беренсе балалары тыуған ғаиләләргә 300 мең һумлыҡ...

ҡаралған: 17

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

төндә 18..20°C
иртән 20..22°C
көндөҙ 20..22°C
кис 18..20°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.