Яңылыҡтар

14:37 - 22.05.2018

“Яратам һине, тормош” фестивале бөгөн Бөрөлә үтә. Унда ошо төбәктәге райондар ҡатнаша. Башҡортостанда хаҡлы ял йәшендәгеләр араһында бындай конкурс йыл һайын уҙғарыла. Унда ҡатнашыусылар йыр-бейеү маһирлығын күрһәтә, шулай уҡ ҡул эштәренән күргәҙмә ойошторола. “Яратам һине, тормош” фестивале 7-сегә ойошторола. Һайлап алыу этаптары ете зонала ойошторолдо. Бөрөләге бөгөнгө тамаша – һуңғы һайлап алыу этабы. Һәр төбәк еңеүселәренең Гала концерты Оло йәштәгеләр көнөнә арнап, октябрҙә Өфөлә уҙғарыла.

ҡаралған: 1
13:01 - 22.05.2018

Иртәгә, 23 майҙа, республикала һәм Өфөлә көндөң аҙ болотло, яуым-төшөмһөҙ булыуы көтөлә. Ел йүнәлеше үҙгәреүсән, талғын. Һауа температураһының республикала төндә +7, +12, көнсығыш райондарҙа +1, +6 градус йылы, тупраҡ өҫтөндә 0-дән -2 градусҡаса һалҡынайтып ҡырау төшөүе ихтимал, көндөҙ температураның +23, +28 градусҡа тиклем күтәрелеүе, Өфөлә төндә +4, +6 градус йылы, көндөҙ +26, +28 градус эҫе булыуы күҙаллана.
Алдағы ике көндә: 24 майҙа көндөң йылы тороуы, урыны менән бер аҙ ямғыр, 25-ендә һауа температураһының...

ҡаралған: 2
12:46 - 22.05.2018

Тәфтиш комитетының республика идаралығынан хәбәр итеүҙәренсә, баланы Салауат ҡалаһында төҙөлөш майҙансыҡтарының береһендә ҡалдырып киткәндәр. Кәүҙәһенә эшселәр юллыҡҡан. Әле сабыйҙың әсәһен эҙләйҙәр, бала үлеме буйынса тикшереү башланған.

ҡаралған: 3
12:02 - 22.05.2018

Кумол фенол һәм ацетон етештереүҙә кәрәк. Уны шулай уҡ яғыулыҡҡа ҡушалар һәм каучук эшләп сығарыуҙа ҡулланалар. Проектҡа 1 миллиард һум йәлеп ителгән, йылына 170 мең тонна продукция сығарыу мөмкинлеге бирә. Яңы етештереү линияһын асыуҙа Республика башлығы Рөстәм Хәмитов ҡатнашты. Ул химия тармағын артабан үҫтереү мөһимлеген билдәләне.
Башҡортостанда был аҙна нефть, газ, химия исеме аҫтында үтә. Бөгөн Өфөлә халыҡ-ара форум һәм махсуслаштырылған күргәҙмә лә асыла.

ҡаралған: 3
11:44 - 22.05.2018

Быны донъя баҙарындағы хәл менән аңлаталар. Банк рәйесе урынбаҫары Ксения Юдаева әйтеүенсә, нефткә хаҡ кәмегән ваҡытта башҡа тауарҙарға хаҡ һиҙелерлек артты, әммә бензин ныҡ ҡиммәтләнмәне. Хәҙер иһә әкренләп күтәрелә бара, тейеш булған айырма бөтөрөлә. Бензинға хаҡ әлегә инфляцияла сағылмай, тине ул. Рәсәйҙә, шул иҫәптән, Башҡортостанда һуңғы ваҡытта яғыулыҡтың даими ҡиммәтләнеп барыуы күҙәтелә. Бер литры өсөн уртаса хаҡы 41 һумға етте.

ҡаралған: 6
11:11 - 22.05.2018

“Башҡортостан тарихы биттәре” тигән республика фестиваль-марафоны дауам итә. Бөгөн Өфөгә Бәләбәй вәкилдәре килә. Башҡорт дәүләт филармонияһы сәхнәһендә райондың иң яҡшы ижади коллективтары сығыш яһай, фойела милли ризыҡтар һәм сувенирҙар, сәнәғәт ойошмалары тауарҙары күргәҙмәһе, Бәләбәйҙең данлы үткәне һәм бөгөнгөһөнә арналған экспозиция әҙерләнә. Фестиваль-марафон Башҡортостандың 100 йыллығы арнап ойошторола. Уға ярашлы, йыл дауамында бөтә район һәм ҡалалар Өфөлә сығыш яһарға тейеш.

ҡаралған: 8
10:40 - 22.05.2018

Башҡортостанда “Һуңғы ҡыңғырау” көнөндә спиртлы эсемлектәр һатыу тыйыла. Ҡануниәтте боҙған сауҙа ойошмаларына 300 мең һумғаса штраф һалына. Республика Сауҙа һәм ҡулланыусылар хоҡуҡтарын яҡлау буйынса дәүләт комитетынан белдереүҙәренсә, айырым осраҡта алкоголь эсемлектәр һатыуҙан тартып алына. Төбәктә быйыл “Һуңғы ҡыңғырау” байрамы 24-25 майҙа үтә. Һәр район уны үткәреү датаһын үҙаллы билдәләй. Мәктәп менән хушлашыу көнөндә спиртлы эсемлектәр һатыуҙы тыйыу буйынса закон республикала былтыр ҡабул ителде. Был профилактик сара йәш быуын араһында...

ҡаралған: 15
10:07 - 22.05.2018

Башҡортостанда яланда йоҡлап ятҡан ҡатынды трактор тапаған. Ваҡиға ошо көндәрҙә Ишембай районы Кинйәбулат ауылы янында булған. Тәфтиш комитетының республика идаралығынан хәбәр итеүҙәренсә, крәҫтиән-фермер хужалығы хеҙмәткәре ҡараңғы төшкәнсе баҫыуҙа эшләгән. Һөрөнтө ер өҫтөндә йоҡлап ятҡан ҡатынды күрмәгән, трактор менән өҫтөнән үткән. 43 йәшлек ҡатын шунда уҡ үлгән. Әле ваҡиғаны тикшереү дауам итә.

ҡаралған: 13
09:53 - 22.05.2018

Республикала төнгө профилактик рейдтар ойошторола. Йәйге осорҙа комендант ваҡыты ике сәғәткә оҙайтыла. Бәлиғ булмағандарға төнгө 12-нән алып иртәнге 6-ға тиклем яңғыҙ урамға сығыу тыйыла. Йәйге комендант сәғәте осоро 30 сентябргә тиклем дауам итә. Быға тиклем 17 йәштәре тулмаған үҫмерҙәргә 22 сәғәттән алып таңғы 6-ға тиклем йәмәғәт урындарында йөрөргә тыйылды. Атай һәм әсәй йәки баланың законлы вәкиле менән генә урамға сығырға рөхсәт ителә. Хоҡуҡ һаҡлау органдары төнгө ваҡытта профилактик рейдтар уҙғарасаҡ. Был сара балалар һәм...

ҡаралған: 11
09:09 - 22.05.2018

Форум барышында “Газ.Нефть.Технологиялар” тигән халыҡ-ара күргәҙмә лә ойошторола. Абруйлы сарала донъяның 10 иленән һәм Рәсәйҙең 30-лап төбәгенән 320 предприятие-ойошма ҡатнашыуы көтөлә. Исемлектә Көньяҡ Корея, Беларусь, Германия, Ангола, Украина, Ҡытай, Америка ойошмалары бар. Форум барышында нефть-газ-химия тармағын үҫтереү буйынса пленар ултырыш һәм түңәрәк өҫтәлдәр үтә. Өфөлә ошондай абруйлы сара быйыл 26-сы тапҡыр ойошторола.

ҡаралған: 20
08:49 - 22.05.2018

Быйыл Берҙәм дәүләт имтихандарын 700 меңдән ашыу уҡыусы тапшырасаҡ. Был турала Мәғариф һәм фән өлкәһен күҙһәтеү буйынса федераль агентлыҡ етәксеһе урынбаҫары Наталья Наумова белдерә. 11 класты тамамлаусылар өсөн имтихандар май аҙағында башлана. Унда быға тиклемге йылдар сығарылыштары уҡыусылары ла ҡатнаша.

ҡаралған: 17
08:14 - 22.05.2018

Республика сауҙа-күңел асыу үҙәктәрендәге тикшереүҙәр барышында байтаҡ етешһеҙлектәр асыҡланған. Янғынды иҫкәртеү ҡорамалдары, запас юлдар, эвакуация схемаһы һәм башҡа эреле- ваҡлы 20 мең осраҡ теркәлгән. Хәүефһеҙлек темаһы йәйгелеген айырыуса көнүҙәк-уҡыусыларҙың оҙайлы каникулы башлана.

ҡаралған: 16
07:43 - 22.05.2018

“Зум маркет” агентлығы әҙәпһеҙ һөйләшкән ҡалалар исемлеген төҙөгән. Тәүге урында – Пермь, унда кешеләр йыш һүгенә. Икенсе - өсөнсөлә Воронеж менән Иваново. Тәүге унау араһында Ырымбур, Тамбов, Силәбе бар. Мәскәү – 18, Санкт-Петербург- 23, Ҡаҙан 30-сы урында. Өфө һүгенергә яратҡан 30 ҡала иҫәбендә юҡ. Фекер белешеүҙә 18-54 йәшлек 3 мең респондент ҡатнашҡан.

ҡаралған: 15
07:21 - 22.05.2018

Ярышты Рима Баталованың “Милләт йәшлеге” фонды ойошторҙо. Йүгерешкә Шаран, Баҡалы, Дүртөйлө, Мишкә, Туймазы, башҡа район спортсылары сыҡты. Бындай спорт байрамы Шаранда 2008-се йылдан алып, йыл һайын уҙғарыла. Быйылғыһында 400 кеше ҡатнашты. 10 йыл дауамында иһә 15 меңләп спортсы үҙ көсөн һанап ҡараған. Дәүләт Думаһы депутаты, Паралимпия уйындары чемпионы Рима Баталова тыумышы менән - Шарандан.

ҡаралған: 15
06:40 - 22.05.2018

Майндағы Франкфурт ҡалаһында “IMEX” халыҡ-ара күргәҙмәһе үтте. Рәсәй төбәктәре унда берҙәм экспозиция менән ҡатнашты. Республиканың тышҡы иҡтисади эшмәкәрлек буйынса дәүләт комитеты рәйесе Руслан Мирсаяпов етәкселегендәге төркөм төбәктең туристик мөмкинлектәре менән таныштырҙы. Башҡортостан һуңғы йылдарҙа халыҡ-ара кимәлдәге саралар үҙәгенә әйләнә бара. 2020 йылд - Бөтә Донъя фольклориадаһы, 2021 йылда "Апимондия" форумы үтәсәк. Республиканы был күргәҙмәлә рекламалау Европа туристарын йәлеп итәсәк, ти белгестәр.

ҡаралған: 16
18:34 - 21.05.2018

Тәғәйен майҙандарҙың 3-тән 2 өлөшөндә башҡарылған - 1 миллион 400 мең гектарҙа сәселгән. Стәрлебаш, Федоровка, Илеш һәм Хәйбулла райондарында 80 проценттан уҙып киткәндәр. Һуңғы тәүлектәрҙә эштәр әкренерәк бара - ямғыр ҡамасаулай. 22, 23 майға ҡырау ихтималлығы тураһында ла хәбәр итәләр.

ҡаралған: 19
17:26 - 21.05.2018

Башҡортостанда урмандарҙа янғын сығыуҙа ғәйепле 150 кеше яуаплылыҡҡа тарттырылған. Был турала бөгөн Хөкүмәт кәңәшмәһендә урман хужалығы министры Марат Шәрәфетдинов белдерҙе. Уның әйтеүенсә, бөгөнгә 80-дән ашыу янғын булған, 1 мең 300-ләп хеҙмәткәр, 400-гә яҡын техника ут һүндереүгә йәлеп ителгән. Ҙур янғындар юҡ. Ут сығыуҙа башлыса кешеләр ғәйепле. 11 майҙан республика биләмәләрендә Янғынға ҡаршы тәртип иғлан ителде.

ҡаралған: 19
16:34 - 21.05.2018

Унда “Юҡ, мин үлмәнем, башҡорттар”- тип һинең рухың шаңдай оранда тигән һүҙҙәр уйып яҙылған. Был эште Бөтә Рәсәй башҡорт йәштәре ҡоролтайы, Диниә назаратының йәштәр бүлеге, “Салауат вариҫтары” ойошмаһы, Әлкә ауылы хакимиәте башҡарып сыҡты. Салауат районында яндырылған Тәкәй ауылы урынында таш тирмә бар. Сибайҙан килтерелгән гранит ташты шунда урынлаштырғандар.

ҡаралған: 18
15:40 - 21.05.2018

Рәсәй хоккей йыйылма командаһының рейтингы кәмене. Быға тиклем икенсе баҫҡыста тора ине, хәҙер өсөнсөгә төштө. Беренсе баҫҡыста – Канада. Икенселә- Швеция. Тап шведтар быйыл Данияла үткән донъя чемпионатында алтын миҙал яуланы. Рәсәй сирек финалда төшөп ҡалды. Икенсе урында – Швейцария, өсөнсөлә - Канада. Рәсәй йыйылма командаһы 2013 йылдан алып тәүге тапҡыр миҙал яулай алманы.

ҡаралған: 16
14:23 - 21.05.2018

Конференцияла 2026 йылға тиклемге стратегия, президенттың май указдарын ғәмәлгә ашырыу юлдары тикшерелә. Конференцияла партияның юғары советы ағзаһы, Башҡортостан башлығы Рөстәм Хәмитов, фирҡәнең төбәк бүлексәһе секретары, Дәүләт Йыйылышы-Ҡоролтай рәйесе Константин Толкачев ҡатнаша.

ҡаралған: 49

Страницы

тура ЭФИР

Online 128 КБитс/с

105.5 FM

Аудио ағым

әле эфирҙа


Һауа торошо (Өфө)

көндөҙ 19..21°C
кис 18..20°C
төндә 13..15°C
иртән 14..16°C
www.gismeteo.ru
Текста орфографик хата:
Хата тураһында хәбәр итеү өсөн “Хата тураһында хәбәр итегеҙ” төймәһенә баҫығыҙ. Шулай уҡ һеҙ хәбәргә комметарий өҫтәй алаһығыҙ.